Ignored Diya

 

Is Diwali

gifts ki dher me

Patakho ke shor me

Maine dekha chup khada diya

 

Sms ki daud me aur

Giftbaazi ki Hod me

Maine dekha sisakataa diya

 

Gaawn  ke diyo ki ladi se door

Metro ki chakaachaund me

Maine dekhe ek do Lehakte diye

 

Chinese lights ki oar me

Rangeen bazaar aur kharidadaaro ke bich

Maine dekha Ignored diya

Aur chup baitha diyewala

 

Jo pahle kabhi tha astya pe satya ki jeet ka diya

Andhere pe ujale ka pramaan diya

Naye ritu ke aagman sandesh ka diya

Waataawaran ke sudhi ka pratik diya

Maa lakshmi ke shrdha ki pehchaan diya

 

Is Diwali

ek metro me maine dekha

Apekshit diya, fafaktaa diya

Sisaktaa diya, gumshum diya

Gumnaam hota diya

Aur who chup baitha diye wala !